میرا فارم ہاؤس وی تجاوزات وچ آیا تے ڈھاہ دتا جائے گا: گورنر خیبر پختونخوا
پشاور (مانیٹرنگ ڈیسک) گورنر خیبر پختونخوا فیصل کریم کنڈی نے آکھیا کہ میرا فارم ہاؤس وی جے تجاوزات دی زد وچ آیا تے اینوں وی ڈھا دتا جائے گا۔
پشاور وچ میڈیا نال گل بات کردیاں فیصل کریم کنڈی نے آکھیا کہ تجاوزات دے خلاف بلا امتیاز آپریشن جاری رہے گا۔ اُنہاں اپیل کیتی کہ جتھے وی تجاوزات موجود نیں، اوہناں نوں ہٹایا جائے۔
گورنر نے آکھیا کہ جدوں تک ملک وچ سزا تے جزا دا نظام قائم نہیں ہوندا، ترقی نہیں آ سکدی۔
اُنہاں مزید آکھیا کہ مولانا فضل الرحمان دی عزت کردا ہاں، لیکن اُنہاں نوں اپنے پرا تے پتر دی وجہ توں ایہ دن ویکھنا پیا۔ جیہڑا وی دہشت گرداں دی حمایت کرے گا، اوہناں دے معاملے وچ زیرو ٹالرنس دی پالیسی اپنائی جائے گی۔
