اسلام آباد ایئرپورٹ اُتے جدید اسٹیٹ لاؤنج دی تعمیر شروع
لاؤنج ایس سی او اجلاس دوران سربراہانِ مملکت دے استقبال لئی ورتیا جائے گا۔
اسلام آباد: پاکستان نے شنگھائی تعاون تنظیم (ایس سی او) دے سربراہانِ مملکت دے اجلاس 2027 دی میزبانی دیاں تیاریاں شروع کر دتیاں نیں۔ ایس سلسلے وچ اسلام آباد ایئرپورٹ اُتے جدید اسٹیٹ لاؤنج دی تعمیر دا کم شروع کر دتا گیا اے۔
وزیر دفاع خواجہ محمد آصف نے اسلام آباد انٹرنیشنل ایئرپورٹ اُتے نویں اسٹیٹ لاؤنج دا باقاعدہ سنگِ بنیاد رکھ دتا۔
وزیراعظم دیاں ہدایات اُتے اسلام آباد ایئرپورٹ دے ماسٹر ڈویلپمنٹ پلان دے تحت جدید اسٹیٹ لاؤنج تعمیر کیتا جا ریا اے۔
جدید اسٹیٹ لاؤنج غیر ملکی سربراہانِ مملکت، معزز شخصیات تے اعلیٰ سطح دے بین الاقوامی وفود دے استقبال لئی ورتیا جائے گا۔
وزیر دفاع خواجہ آصف نے اسٹیٹ لاؤنج دی یادگاری تختی دی نقاب کشائی کیتی تے احاطے وچ پودا وی لایا۔
ایہ اسٹیٹ لاؤنج بین الاقوامی شخصیات تے اعلیٰ سطح دے وفود دی میزبانی لئی جدید سہولتاں فراہم کرے گا۔
جدید اسٹیٹ لاؤنج دا منصوبہ قومی ہوائی اڈیاں دے بنیادی ڈھانچے نوں جدید بناؤن دے حکومتی عزم دا عکاس اے۔
