اسلام آباد: گھٹ فیول دین اُتے 6 پٹرول پمپ سیل، 2 دا عملہ گرفتار
پیمائش وچ ہیر پھیر لئی ورتیاں جان والیاں الیکٹرانک ڈیوائسز برآمد کر لئیاں گئیاں۔
اسلام آباد (خصوصی رپورٹر) ضلعی انتظامیہ نے گھٹ پیمائش دے ذریعے شہریاں نوں مقررہ مقدار توں گھٹ پٹرول تے ڈیزل فراہم کرن والے پٹرول پمپس خلاف کارروائیاں کردیاں 40 توں ودھ نوزلز تے 6 پٹرول پمپس سیل کر دتے۔
معائنے دوران فیول دی پیمائش وچ ہیر پھیر لئی ورتیاں جان والیاں الیکٹرانک ڈیوائسز وی برآمد کر لئیاں گئیاں، جدکہ 2 پٹرول پمپس دے عملے نوں وی گرفتار کر لیا گیا۔
