20 سال بعد سمندر وچ تیل تے گیس دی تلاش، ترکیہ دا جہاز 17 نومبر نوں کراچی پہنچے گا
اسلام آباد: سمندر وچ تیل تے گیس دی تلاش دیاں سرگرمیاں 20 سال بعد دوبارہ شروع ہون جا رہیاں نیں۔ ایس حوالے نال جاری کیتے گئے اعلامیے مطابق ترکیہ دی پٹرولیم کمپنی دا سیسمک سروے جہاز 17 توں 20 نومبر دے درمیان کراچی پہنچے گا۔
ترکیہ دے سیسمک جہاز دی آمد دے انتظامات بارے وزیرِ پٹرولیم دی زیرِ صدارت اجلاس ہویا، جس وچ جہاز دی آمد، سکیورٹی، سمندری تے آپریشنل انتظامات دا جائزہ لیا گیا۔
وزیرِ پٹرولیم علی پرویز ملک نے ترکیہ دے جہاز دی کراچی آمد اُتے آپ استقبال کرن دا عندیہ وی دتا۔ اُنہاں دا کہنا سی کہ ایہہ پاکستان تے ترکیہ دی دوستی تے مکہ معاہدے توں بعد اک اہم سنگِ میل اے۔
علی پرویز ملک نے آکھیا کہ پاکستان آف شور تیل تے گیس دی تلاش دے منصوبے وچ ترکیہ نوں مکمل معاونت فراہم کرے گا۔ پاکستان تے ترکیہ رل کے ایسی تاریخی کامیابی حاصل کرن گے، جس نوں نسل در نسل یاد رکھیا جائے گا۔
ترک پٹرولیم دے پراجیکٹ مینیجر نے پاکستانی حکام ولوں بھرپور تعاون اُتے شکریہ ادا کیتا۔
