ماسک نہ پاؤن تے 6شہریاں تے 15ہزار روپے جرمانہ
لہور وچ کورونا توں بچن لئی ماسکس نہ پاؤن تے چھ شہریاں تے 15ہزار روپے جرمانہ لاگو کر دتا گیا۔ ضلعی انتظامیہ لہور نے کورونا ایس او پیز تے عملدرآمد نہ کرن تے عوامی تھاواں تے ماسکس نہ پاؤن دی خلاف کاروائی کیتی۔ ضلعی افسراں نے چھ بندیاں نوں جرمانیاں دی سزا دیندیاں ایہناں تے 15ہزار روپے جرمانہ لاگو کر دتا۔ ڈی سی لہور دانش افضال دے مطابق کورونا وائرس ایس او پیز تے عملدرآمد نہ کرن والیاں دے خلاف کریک ڈاؤن جاری رہوے گا۔ واضح رہوے اسلام آباد سنے ملک بھر وچ عوامی تھاواں تے ماسک پاؤن تے منہ ڈھکنا لازمی قرار دے دتا گیا اے جہدی خلاف ورزی تے جرمانے تے قید دی سزا اے۔ ایہدے علاوہ جسمانی فاصلہ برقرار رکھنا وی لازم اے۔
