’پاکستان دی ہندو برادری قومی زندگی دا لازمی حصہ اے‘، دیوالی دے موقع اُتے صدر تے وزیراعظم دا خصوصی پیغام
اسلام آباد: صدر مملکت آصف علی زرداری تے وزیراعظم محمد شہباز شریف نے اج ہندوواں دے مذہبی تہوار دیوالی دے خوشی بھرے موقع اُتے دنیا بھر، خاص طور اُتے پاکستان وچ وسن والی ہندو برادری نوں مبارکباد دیندے ہوئے قومی زندگی دا لازمی حصہ قرار دِتا۔
صدر مملکت آصف علی زرداری تے وزیراعظم شہباز شریف ولوں دیوالی دے موقع اُتے پاکستان وچ وسن والی ہندو برادری لئی دلی مبارکباد تے نیک تمناؤں دا اظہار کیتا گیا۔
صدر زرداری تے وزیراعظم شہباز شریف ولوں ہندو برادری لئی جاری پیغام وچ آکھیا گیا کہ پاکستان دی ہندو برادری قومی زندگی دا لازمی حصہ اے، ملک دی سماجی، ثقافتی تے معاشی ترقی وچ ہندو برادری دیاں خدمتاں قابلِ تحسین نیں۔
اُنہاں مزید آکھیا کہ معاشرے وچ مختلف ثقافتی تے مذہبی روایات قیمتی سماجی اثاثہ نیں تے پاکستان اپنے مذہبی تے ثقافتی تنوع اُتے فخر کردا اے۔
