ٹھٹھہ واٹر سپلائی ریفرنس : آصف علی زرداری اُتے فردِ جرم دے انتظامات مکمل کرن دی ہدایت
اسلام آباد: احتساب عدالت نے آصف علی زرداری اُتے فرد ِ جرم دے انتظامات لئی رجسٹرار احتساب عدالت کراچی نوں خط گھل دتا۔جعلی ٹھٹھہ واٹر سپلائی ریفرنس وچ سابق صدر دے نال 14ملزماں نوں4اگست نوں طلب کر لیا ۔رجسٹرار احتساب عدالت کراچی نوں گھلے گئے خط اندر لکھیا گیا اے کہ آصف علی زرداری اُتے ٹھٹھہ واٹر سپلائی دے غیر قانونی ٹھیکیاں بارے ریفرنس وچ4اگست نوں فرد ِ جرم ویڈیو لنک دے ذریعے کیتی جائے گی ۔ لہذا کراچی وچ سارے انتظامات مکمل کیتے جاون ۔عدالت نے آصف علی زرداری دی شناخت لئی عدالتی نمائندہ وی مقرر کرن دا حکم دتا اے ۔ عدالت نے نیب کراچی نوں وی ہدایت کیتی اے کہ فردِ جرم دے حوالے نال سارے ملزماں نوں آگاہ کیتا جاوے۔
