عثمان بزدار کدھرے نہیں جا رہے، مدت پوری کرن گے : فیاض الحسن چوہان

لہور: وزیر اطلاعات پنجاب فیاض الحسن چوہان نے آکھیا کہ عثمان بزدار کدھرے نہیں جا رہیے اپنی مدت پوری کرن گے ۔ لُٹ مار ایسوسی ایشن الزام تراشی کر رہیی اے ۔ وزیر اعلیٰ عثمان بزدار اطمینان دے نال اپنی ذمہ داریاں نبھا رہیے نیں ۔پچھلیاں حکومتاں نے کجھ نہیں کیتا۔فیاض الحسن چوہان نے پریس کانفرنس اندر آکھیا کہ عالمی تنظیم نے کورونا دے حوالے نال پنجاب دی پر فارمنس نوں بہترین قرار دتا۔ عثمان بزدار واحد وزیراعلیٰ نیں جنہاں نے 56ارب دا ٹیکس ریلیف دتا، پہلا انڈر گرائونڈ واٹر سیوریج باغ وچ مکمل ہوون جا رہیا اے ، منصوبے نال بارش دا پانی محفوظ کیتا جا سکے گا

۔
وزیر اطلاعات پنجاب فیاض الحسن چوہان نے ہور آکھیا کہ اسی موبائل اراضی ریکارڈ سینٹر دا آغاز کیتا، عثمان بزدار دن رات پنجا ب دی خدمت کر رہیے نیں ۔ غیر متحدہ اپوزیشن نال گذارش کراں گا کہ کوئی تعمیری کم کرن ، اوہناں نے آکھیا کہ اج منظور پاپڑ والا ساہمنے آگیا اے ، منظور پاپڑ والا نے شہباز شریف خاندان دے اکائونٹس اندر 12ٹرانزیکشناں کیتاں ۔