بہتری لئی انصاف تے قانون دی حکمرانی ضروری: اعظم نذیر تارڑ
اقلیتاں نوں مذہبی آزادی، بین المذاہب ہم آہنگی لئی سارے اپنا کردار ادا کرن، حکومت تمام شہریاں دے حقاں دے تحفظ لئی پُرعزم: وزیر قانون
اسلام آباد: وفاقی وزیر قانون اعظم نذیر تارڑ نے آکھیا اے کہ پاکستان وچ تمام شہریاں نوں برابر دے حقوق حاصل نیں تے پاکستان اقلیتاں دے حقاں دے تحفظ لئی پُرعزم اے۔
اسلام آباد وچ اک کانفرنس نوں خطاب کردیاں وزیر قانون نے آکھیا کہ آئینِ پاکستان دے تحت تمام اقلیتاں نوں مذہبی آزادی حاصل اے، بین المذاہب ہم آہنگی لئی ہر کسے نوں اپنا کردار ادا کرنا پئے گا۔
اوہناں آکھیا کہ معاشرے وچ بہتری لئی باہمی عزت، انصاف دی فراہمی تے قانون دی حکمرانی ضروری اے۔
وزیر قانون نے آکھیا کہ قومی کمیشن برائے حقوقِ اقلیت ایکٹ دی تیاری دوران تمام اقلیتی برادریاں نال مشاورت کیتی گئی تے دو سالہ مشاورتی عمل توں بعد متفقہ مسودہ تیار کیتا گیا۔
حکومت تمام شہریاں دے حقاں دے تحفظ تے مذہبی ہم آہنگی دے فروغ لئی پُرعزم اے۔ آئین وچ مذہبی آزادی، مساوات تے اقلیتاں دے حقاں دے تحفظ دی ضمانت دتی گئی اے۔
اوہناں آکھیا کہ مذہبی ہم آہنگی لئی اجتماعی ذمہ داری، تعلیم، ذمہ دار مذہبی قیادت تے بامعنی مکالمہ ضروری نیں۔
