کورونا دا زور ٹُٹن لگ پیا: موتاں وچ کمی ، مہلک وائرس ہور49زندگیاں نگل گیا

اسلام آباد: کورونا دا زور ٹوٹن لگ پیا، موتاں وچ کمی آون لگ گئی ، مہلک وائرس ہور 49زندگیاں نگل گیا ، جس توں بعد موتاں دی تعداد5ہزار 475ہو گئی ۔پاکستان وچ کورونا دے تصدیق شدہ مریض 2لکھ 59ہزار999نیں ۔نیشنل کمانڈ اینڈ آپریشن سینٹر دی تازہ اطلا ع دے مطابق 24گھنٹے دے دوران 2ہزار 85نویں مریض ساہمنے آئے ، پنجاب اندر 89ہزار 23، سندھ وچ1لکھ 10ہزار 68، خیبر پختونخواوچ31ہزار 486، بلوچستان وچ11ہزار 385، گلگت بلتستان وچ 1ہزار 775، اسلام آباد وچ 14ہزار 454 جد کہ آزاد کشمیر وچ1ہزار808مریض ساہمنے آئے ۔پورے ملک وچ ہن تک 16لکھ76 ہزار90لوکاں دے ٹیسٹ کیتے گئے پچھلے 24گھنٹے دے دوران 23 ہزار 907نویںٹیسٹ کیتے گئے، ہن تک 1لکھ 83ہزار 737مریض صحتیاب ہوچکے نیں جد کہ 1 ہزار 895مریضاں دی حالت تشویشناک اے ۔پاکستان وچ کوروناپاروں اک دن اندر 49افراد جاں بحق ہوگئے جس توں بعد وائرس نال مرنے والیاں دی تعداد 5ہزار 475ہوگئی۔ پنجاب اندر2ہزار 59، سندھ وچ 1ہزار 922، خیبر پختونخوا وچ 1 ہزار124،اسلام آباد وچ 157، بلوچستان وچ 128، گلگت بلتستان وچ 39 اور آزاد کشمیر وچ 46 مریض جان توں ہتھ دھو بیٹھے۔