شہباز شریف فیملی دے اکاؤنٹ وچ پاپڑ فروش ولوں کروڑاں منتقل کرن دا انکشاف

مسلم لیگ (ن) دے صدر شہباز شریف تے اوہناں دی فیملی نوں پاپڑ فروش وی کروڑاں روپے اکاؤنٹس وچ منتقل کردا رہیا۔ سابق وزیراعلی پنجاب تے قومی اسمبلی وچ اپوزیشن لیڈر میاں شہباز شریف تے اہوناں دی فیملی نوں پاپڑ فروش وی کروڑاں روپے اکاؤنٹس وچ منتقل کردا رہیا۔ قومی احتساب بیورو (نیب)دی تحقیقاتی ٹیم نے بینکاں تے دوجے مالیاتی اداریاںتوں ریکارڈ حاصل کرن دے دوران ایس گل دا انکشاف کیتا۔نیب دستاویزات دے مطابق جہڑی رپورٹ تحقیقاتی ٹیم نے بینکاں سنے دوجے مالیاتی اداریاں توں دوران تحقیقات حاصل کیتی اوہناں دے مطابق منظور پاپڑ فروش دے ناں توں 1 کروڑ 60 لکھ 86 ہزار 435 امریکن ڈالرز منتقل ہوئے، 12 ٹرانزیکشن تے مشتمل ڈالرز پاکستانی روپیاں وچ 8 کروڑ 8 لکھ 26 ہزار 141 روپے بن دے نیں، منظور پاپڑ فروش دے ناں توں 12 ٹرانزیکشن 2007 تے 2008 وچ ہوئیاں۔نیب دستاویزات دے مطابق ٹرانزیکشن سلمان شہباز، حمزہ شہباز تے رابعہ عمران دے اکاونٹس وچ ہوئیاں، سلمان شہباز نوں 9 لکھ 7 ہزار 15 ڈالرز جہڑے پاکستانی 6 کروڑ 29 لکھ 75 ہزار 524 بن دے نیں، حمزہ شہباز نوں 1 لکھ 67 ہزار 980 ڈالر جہڑے پاکستانی 1 کروڑ 1 لکھ 24 ہزار 155 روپے بن دے نیں جدکہ رابعہ عمران دے اکاونٹ وچ 2 لکھ 40 ہزار 920 ڈالرز منتقل ہوئے جہناں دی مالیت 1کروڑ 70 لکھ 83 ہزار 696 روپے بن دی اے۔