ریفرنڈم دی آئین وچ کوئی قانونی حیثیت نہیں، صوبائی اسمبلی فیصلہ سنا چکی اے: سندھ حکومت

آئین دے تحت نویں صوبے دا فیصلہ متعلقہ صوبائی اسمبلی دی اکثریت نال ہووے گا، ایم کیو ایم نوں دوبارہ خوف دی سیاست نہیں کرن دیاں گے

– سندھ حکومت ترقیاتی کمّاں وچ سب توں اگے اے، فارم 47 دی پیداوار جماعتاں عوام نوں گمراہ کر رہیاں نیں: شرجیل میمن دی پریس کانفرنس۔

کراچی (سٹاف رپورٹر) سندھ دے سینئر وزیر شرجیل انعام میمن نے آکھیا اے کہ آئین دے تحت نویں صوبے دا قیام متعلقہ صوبائی اسمبلی دی اکثریت نال ہی ممکن اے۔ ریفرنڈم دی کوئی قانونی حیثیت نہیں، سندھ اسمبلی ایس معاملے اُتے اپنا فیصلہ سنا چکی اے۔ ایم کیو ایم نوں کراچی وچ دوبارہ خوف تے دہشت دی سیاست نہیں کرن دیاں گے۔ سندھ حکومت ترقیاتی کمّاں وچ سب توں اگے اے، جدوں کہ فارم 47 دی پیداوار جماعتاں عوام نوں گمراہ کر رہیاں نیں۔

پریس کانفرنس نال خطاب کردیاں انہاں آکھیا کہ سندھ حکومت نے سیلاب متاثرین لئی 10 لاکھ توں ودھ گھر مکمل کر لیے نیں، جدوں کہ ہور 7 لاکھ گھراں اُتے کم جاری اے۔ ایہ چیئرمین بلاول بھٹو زرداری دا وژن سی۔ صوبے وچ 205 کلومیٹر حفاظتی بند تعمیر کیتے گئے تے 12 ضلعیاں وچ اک لاکھ 57 ہزار ہیکٹر زرعی زمین نوں دوبارہ قابلِ کاشت بنایا گیا اے۔ منچھر جھیل دا 30 کلومیٹر لمبا حفاظتی بند وی تعمیر کیتا گیا۔ 2027ء تک سندھ دے سارے بیراج جدید خودکار نظام اُتے منتقل کرن دا ہدف اے۔ دوجے صوبے وی سندھ حکومت دے ترقیاتی منصوبیاں توں فائدہ چکنا چاہندے نیں۔

انہاں آکھیا کہ ایم کیو ایم بلدیاتی انتخابات توں بھج گئی سی۔ کراچی دے اداریاں نوں ماضی وچ تباہ کیتا گیا تے اک ہی ملازم نوں مختلف اداریاں وچوں تنخواہ دتی جاندی سی۔ پیپلز پارٹی دا مینڈیٹ واضح اے، ایم کیو ایم جِنّیاں مرضی نشستاں اُتے انتخابات لڑ کے وکھا دے۔

شرجیل میمن نے آکھیا کہ ایم کیو ایم دوبارہ خوف تے دہشت دی سیاست کرنا چاہندی اے، پر کراچی دا امن خراب کرن دی اجازت نہیں دیواں گے۔ ماضی وچ سانحہ 12 مئی ورگے واقعات دا دفاع کیتا جاندا رہیا۔

نویں صوبیاں دے قیام بارے سوال اُتے انہاں آکھیا کہ آئین وچ طریقہ کار واضح اے۔ متعلقہ صوبائی اسمبلی دی اکثریت توں بغیر نواں صوبہ نہیں بن سکدا۔ کوئی جماعت سو واری وی ریفرنڈم کروا لے، اوہدی کوئی آئینی حیثیت نہیں ہووے گی۔ سندھ اسمبلی وچ ایس معاملے اُتے وکھ وکھ رائے سامنے آئیاں سن، تاہم فیصلہ پہلے ہی ہو چکیا اے۔ وفاقی وزیر نوں اپنی رائے دین دا حق اے، قومی اسمبلی وچ بل آیا تاں صورتحال واضح ہو جائے گی۔

شرجیل میمن نے آکھیا کہ جلسے لئی ہر جماعت نوں حکومت توں اجازت لینی ہووے گی۔ جی ڈی اے سمیت کسے وی سیاسی جماعت خلاف انتقامی کارروائی نہیں کیتی گئی۔ کسے دے نظریے نال اختلاف دا مطلب ایہ نہیں کہ اوہدے خلاف کفر دے فتوے جاری کیتے جان۔ ایم کیو ایم رہنماؤں نال ذاتی دوستی اپنی جگہ، تاہم سیاسی مؤقف وکھرے نیں۔

آئین دے تحت نویں صوبے دا فیصلہ متعلقہ صوبائی اسمبلی دی اکثریت نال ہووے گا، ایم کیو ایم نوں دوبارہ خوف دی سیاست نہیں کرن دیاں گے

– سندھ حکومت ترقیاتی کمّاں وچ سب توں اگے اے، فارم 47 دی پیداوار جماعتاں عوام نوں گمراہ کر رہیاں نیں: شرجیل میمن دی پریس کانفرنس۔

کراچی (سٹاف رپورٹر) سندھ دے سینئر وزیر شرجیل انعام میمن نے آکھیا اے کہ آئین دے تحت نویں صوبے دا قیام متعلقہ صوبائی اسمبلی دی اکثریت نال ہی ممکن اے۔ ریفرنڈم دی کوئی قانونی حیثیت نہیں، سندھ اسمبلی ایس معاملے اُتے اپنا فیصلہ سنا چکی اے۔ ایم کیو ایم نوں کراچی وچ دوبارہ خوف تے دہشت دی سیاست نہیں کرن دیاں گے۔ سندھ حکومت ترقیاتی کمّاں وچ سب توں اگے اے، جدوں کہ فارم 47 دی پیداوار جماعتاں عوام نوں گمراہ کر رہیاں نیں۔

پریس کانفرنس نال خطاب کردیاں انہاں آکھیا کہ سندھ حکومت نے سیلاب متاثرین لئی 10 لاکھ توں ودھ گھر مکمل کر لیے نیں، جدوں کہ ہور 7 لاکھ گھراں اُتے کم جاری اے۔ ایہ چیئرمین بلاول بھٹو زرداری دا وژن سی۔ صوبے وچ 205 کلومیٹر حفاظتی بند تعمیر کیتے گئے تے 12 ضلعیاں وچ اک لاکھ 57 ہزار ہیکٹر زرعی زمین نوں دوبارہ قابلِ کاشت بنایا گیا اے۔ منچھر جھیل دا 30 کلومیٹر لمبا حفاظتی بند وی تعمیر کیتا گیا۔ 2027ء تک سندھ دے سارے بیراج جدید خودکار نظام اُتے منتقل کرن دا ہدف اے۔ دوجے صوبے وی سندھ حکومت دے ترقیاتی منصوبیاں توں فائدہ چکنا چاہندے نیں۔

انہاں آکھیا کہ ایم کیو ایم بلدیاتی انتخابات توں بھج گئی سی۔ کراچی دے اداریاں نوں ماضی وچ تباہ کیتا گیا تے اک ہی ملازم نوں مختلف اداریاں وچوں تنخواہ دتی جاندی سی۔ پیپلز پارٹی دا مینڈیٹ واضح اے، ایم کیو ایم جِنّیاں مرضی نشستاں اُتے انتخابات لڑ کے وکھا دے۔

شرجیل میمن نے آکھیا کہ ایم کیو ایم دوبارہ خوف تے دہشت دی سیاست کرنا چاہندی اے، پر کراچی دا امن خراب کرن دی اجازت نہیں دیواں گے۔ ماضی وچ سانحہ 12 مئی ورگے واقعات دا دفاع کیتا جاندا رہیا۔

نویں صوبیاں دے قیام بارے سوال اُتے انہاں آکھیا کہ آئین وچ طریقہ کار واضح اے۔ متعلقہ صوبائی اسمبلی دی اکثریت توں بغیر نواں صوبہ نہیں بن سکدا۔ کوئی جماعت سو واری وی ریفرنڈم کروا لے، اوہدی کوئی آئینی حیثیت نہیں ہووے گی۔ سندھ اسمبلی وچ ایس معاملے اُتے وکھ وکھ رائے سامنے آئیاں سن، تاہم فیصلہ پہلے ہی ہو چکیا اے۔ وفاقی وزیر نوں اپنی رائے دین دا حق اے، قومی اسمبلی وچ بل آیا تاں صورتحال واضح ہو جائے گی۔

شرجیل میمن نے آکھیا کہ جلسے لئی ہر جماعت نوں حکومت توں اجازت لینی ہووے گی۔ جی ڈی اے سمیت کسے وی سیاسی جماعت خلاف انتقامی کارروائی نہیں کیتی گئی۔ کسے دے نظریے نال اختلاف دا مطلب ایہ نہیں کہ اوہدے خلاف کفر دے فتوے جاری کیتے جان۔ ایم کیو ایم رہنماؤں نال ذاتی دوستی اپنی جگہ، تاہم سیاسی مؤقف وکھرے نیں۔

اپنا تبصرہ گھلو