بلاول نوں کجھ ہویا تے ذمے دار عمران خان ہون گے: سندھ سرکار

کراچی: چیئرمین پیپلزپارٹی بلاول بھٹو نوں طالبان دہشت گرد احسان اللہ احسان ولوں دتی گئی دھمکیاں دا معاملہ، سندھ سرکار نے وفاق توں مطالبہ کردیاں آکھیا اے دہشت گرد احسان اللہ احسان دے خلاف فوری کاروائی کرکے اوہدے خلاف مقدمہ درج کیتا جائے۔ صوبائی وزیر اسماعیل راہو نے ہور آکھیا بلاول نوں کجھ وی ہویا تے ایہدے ذمے دار عمران خان ہون گے، بلاول بھٹو نے بیان عمران خان دے خلاف دتا سی، دھمکی احسان اللہ احسان نے کیوں دتی۔ اوہناں آکھیا بلاول نوں دتی گئی دھمکی دی سخت مذمت کرنے آں۔ بلاول نوں دتی گئی دھمکی دی اسلام آباد تے بنی گالا توں کسے نے وی مذمت نہیں کیتی، ہن قوم جان چکی اے کہ طالبان نے کہدے کہن تے دھمکی دتی۔ اسماعیل راہو آکھیا سب جاندے نیں موجودہ حکمراناں دے تانے بانے کتھے جا کے ملدے نیں۔