آئینی عدالت دے حکم توں مایوسی، پشاور ہائیکورٹ نوں فیصلہ کرن دیو: بیرسٹر گوہر

اسلام آباد: پی ٹی آئی چیئرمین بیرسٹر گوہر علی خان نے آکھیا اے کہ وفاقی آئینی عدالت نے پنج نومبر دے حکم وچ ترمیم کر دتی اے، پر سانوں عدالت دے حکم توں وی مایوسی ہوئی اے۔

آئینی عدالت دے باہر میڈیا نال گل بات کردیاں بیرسٹر گوہر نے آکھیا کہ خیبر پختونخوا وچ گورنر راج تے ایمرجنسی لاگو کرنا تے حکومت ختم کرنا غیر آئینی تے غیر جمہوری اقدام اے۔

اُنہاں آکھیا کہ خیبر پختونخوا وچ ایمرجنسی دے خلاف آئینی عدالت وچ درخواست دائر کیتی سی تے پشاور ہائیکورٹ دا فرض سی کہ اوہ ایس اُتے فیصلہ کردی۔

بیرسٹر گوہر نے آکھیا کہ اساں عدالت توں استدعا کیتی کہ پشاور ہائیکورٹ نوں فیصلہ کرن دتا جائے۔ پشاور ہائیکورٹ وچ تاں ہن وی درخواست دے قابلِ سماعت ہون بارے فیصلہ ہونا باقی اے۔

اپنا تبصرہ گھلو