شجاعت حسین نال محمد علی درانی دی ملاقات، نویں صوبیاں دے قیام بارے گل بات
پاکستان دوست قوتاں نوں اک دوجے نال تعاون کرنا چاہیدا اے: سربراہ مسلم لیگ ق
عوام دی اکثریت چھوٹے صوبیاں دے قیام دی بھرپور حامی اے: سابق وزیرِ اطلاعات
لاہور: پاکستان مسلم لیگ ق دے صدر تے سابق وزیراعظم چودھری شجاعت حسین نال سابق وزیرِ اطلاعات و نشریات محمد علی درانی نے لاہور وچ اوہناں دی رہائش گاہ اُتے اہم ملاقات کیتی۔
اک گھنٹے تک جاری رہن والی ملاقات وچ ملک دی مجموعی سیاسی صورتحال اُتے تفصیلی تبادلۂ خیال کیتا گیا۔ محمد علی درانی نے شجاعت حسین نوں چھوٹے صوبیاں دے قیام دی تحریک وچ ہون والی پیش رفت بارے آگاہ کیتا۔
ایس موقع اُتے درانی نے گل کردیاں آکھیا کہ عوام دی اکثریت ملک وچ چھوٹے صوبیاں دے قیام دی بھرپور حامی اے۔
شجاعت حسین نے آکھیا کہ سبھ لئی پاکستان تے اس دے مفادات سب توں پہلے ہونے چاہیدے نیں۔ ملکی مفاد وچ پاکستان دوست قوتاں نوں اک دوجے نال تعاون کرنا چاہیدا اے۔
ملاقات وچ ناروے وچ مقیم معروف پاکستانی ڈاکٹر جواد، شکیل احمد تے رانا خالد وی موجود سن۔





















