پٹرول دیاں قیمتاں دا تعین ماہانہ بنیاد اُتے کیتا جائے پمپ مالکان دا وزیراعظم نوں خط
اسلام آباد: پٹرول پمپ مالکان نے وزیراعظم شہباز شریف نوں خط لکھ دتا اے۔ پمپ مالکان نے خط وچ مطالبہ کیتا اے کہ پیٹرولیم مصنوعات دیاں قیمتاں وچ روزانہ تبدیلی کرن دی بجائے ماہانہ بنیاد اُتے ردوبدل کیتا جائے۔
پمپ مالکان دی ایسوسی ایشن دا کہنا اے کہ روزانہ قیمتاں تبدیل ہون نال پٹرول پمپ مالکان نوں مالی نقصان برداشت کرنا پیندا اے، جدکہ قیمتاں وچ مسلسل تبدیلی دی وجہ نال کاروباری منصوبہ بندی تے سٹاک دا انتظام کرنا وی مشکل ہو گیا اے۔
آل پاکستان پٹرول پمپ اونرز ایسوسی ایشن دے وائس چیئرمین نعمان علی بٹ نے وزیراعظم توں مطالبہ کیتا اے کہ ایس معاملے اُتے فوری توجہ دتی جائے۔
Load/Hide Comments





















