سنگین غداری کیس: اسلام آباد ہائی کورٹ نے خصوصی عدالت نوں فیصلہ سنان توں روک دتا

اسلام آباد: اسلام آباد ہائی کورٹ نے وزارت داخلہ دی عرضی منظور کردیاں خصوصی عدالت نوں سنگین غداری کیس دا فیصلہ سنان توں روک دتا۔

عدالت آکھیا پرویز مشرف نوں ویڈیو لنک دے راہیں بیان ریکارڈ کران دا آپشن دتا؟ جہدے تے وکیل بیرسٹر سلمان صفدر آکھیا عدالت نے آپشن دتا پر اوہناں نے قبول نہیں کیتا، پرویز مشرف بیمار تے ایس پوزیشن وچ نہیں کہ بیان ریکارڈ کرا سکن، ملزم دی مرضی دے وکیل نوں سنیا نہیں جا رہیا۔

پرویز مشرف دے وکیل بیرسٹر سلمان صفدر آکھیا فیئر ٹرائل تے اوتھے کمپرومائز ہو گیا۔ میرا کیس ایہ اے کہ مینوں کیوں کڈھیا؟ بیرسٹر سلمان صفدر دے جملے تے کمرہ عدالت وچ قہقہے لگ گئے۔

عدالت آکھیا پراسیکیوشن دا کم اے ملزم دے حق وچ کوئی مواد ہووے تے ساہمنے لیائے، نہیں تاں فیئر ٹرائل دے تقاجاے پورے نہیں ہو سکدے۔