وزیر اعظم عمران خان دا لہور دورہ: وزیر اعلیٰ عثمان بزدار نال ملاقات

اسلام آباد: وزیراعظم عمران خان نال وزیر اعلیٰ عثمان بزدارنے ملاقات کیتی جس وچ عوامی ریلیف لئی حکومت پنجاب دے اقدامات اُتے اطمینان دا اظہار کیتا۔وزیر اعظم عمران خان نے ریور راوی فرنٹ اتھارٹی دے کم نوں سراہیا۔ عمران خان نے پنجاب وچ جاری ترقیاتی منصوبیاں سمیت ہور کماں نوں وی سراہیا۔ وزیر اعظم عمران خان نے آکھیا کہ سمارٹ لاک ڈائون اُتے حکومت ولوں ایس او پیز دے زبردست عملدرآمد کروایا۔ حکومتی اقدامات دے باعث کورونا وائرس دے مریضاں وچ کا فی کمی آئی اے ۔ ہن حالات بہتر ہو رہیے نیں ، عوام نوں حکومتی ایس او پیز اُتے عملدآمد کرنا تے حکومت دا ساتھ دیندیاں رہنا ہوئے گا ۔وزیر اعلیٰ پنجاب عثمان بزدار نے وزیر اعظم عمران خان نو ں بریفنگ دیندیاں آکھیا کہ حکومت پنجاب نے اپنے خرچیاں وچ واضح کمی کیتی اے ۔لہور دے شمال وچ جدید شہر بساون لئی ریور راوی فرنٹ اتھارٹی قائم کیتی اے ۔ اتھارٹی نوا شہر بساون لئی کام کر رہیی اے ، نوا شہر دبئی ورگا ہوئے ، نوا شہر1لکھ ایکٹر توں ودھ رقبے اُتے بنایا جائے گا ۔ نجی شعبے ولوں 5ہزار ارب روپئے دی سرمایہ کاری ہوئے گی۔