اپوزیشن نے کورونا اُتے منفی سیاست کر کے قوم نوں تقسیم کرن دی ناکام کوشش

لہور: وزیر اعلیٰ عثمان بزدار نے آکھیا کہ اپوزیشن جماعتاں نے کورونا اُتے منفی سیاست کر کے قوم نوں تقسیم کرن دی ناکام کوشش کیتی ۔ پاکستانی قوم منفی سیاست کرن والیاں نوں کدی معاف نئیں کرے گی۔وزیر اعلیٰ عثمان بزدار نے اپنے اک بیان اندر آکھیا کہ وزیر اعظم عمران خان دی قیادت وچ سمارٹ لاک ڈائون دی پالیسیکامیاب ثابت ہوئی اے ۔ تنقید اُتے تنقید کرن والے عناصر نوں چُپ دا روزہ رکھ لینا چاہیدا اے ، اپوزیشن رہنما مشکل دی ایس گھڑی وچ عوام نوں تنہا نہیں چھڈن گے ۔ اوہناں آکھیا کہ عوام وڈی عید اُتے احتیاط لازمی کرن ، حکومتی کوششاں تے عوام دے تعاون نال کورونا اُتے قابو پایا جا سکدا اے ۔ وزیر اعلیٰ عثمان بزدار نے آکھیا کہ گھر اندر رہو، تے غیر ضروری باہر نہ نکلو ، میل جول گھٹ رکھو، جتنا بچو گے اُتنی بیماری گھٹ پھیلے گی ، پاکستان تحریک انصاف دی قیادت نے کورونا بیماری دے دوران وی عوام نوں تنہا نہیں چھڈیا ، کورونا نے پوری دُنیا اندر سیاسی ، سماجی تے معاشی تبدیلیاں برپا کیتی اے ۔