ملک دے بالائی علاقیاں وچ برفباری نال موسم ٹھنڈا ہو گیا

اسلام آباد: ملک دے بالائی علاقیاں وچ برفباری نال موسم ٹھنڈا ہو گیا۔

مری، گلیات، سکردو وچ آسمان توں وسدی برف نے ہر اک چیز نوں چٹا کر دتا، قلات وچ درجہ حرارت منفی اک ڈگری سینٹی گریڈ تک ڈگ گیا۔ گلیات دی بالائی چوٹیاں مشک پوری تے میراں جانی تے وی برفباری نے ہر اک شے نوں چٹی چادر نال ڈھک دتا۔

مسلسل برفباری نال لوکاں دے معمولات زندگی متاثر ہوئے۔ سکردو شہر تے آلے دوالے بارش تے برف باری نال موسم ٹھنڈا ہو گیا، بالائی علاقیاں تے ملحقہ پہاڑاں تے وقفے وقفے نال برف گے گالے ڈگن دا سلسلہ جاری اے۔

کئی بالائی علاقیاں دا سکردو توں زمینی رابطہ منقطع ہو گیا اے، ستور وچ درجہ حرارت صفر، بلوچستان دے علاقے قلات وچ درجہ حرارت منفی اک ڈگری سینٹی گریڈ ریکارڈ کیتا گیا۔