خیبر پختونخوا وچ نویں بلدیاتی انتخابات دا ویلے سر انعقاد ناممکن ہو گیا
پشاور: خیبر پختونخوا وچ نویں بلدیاتی انتخابات دا ویلے سر انعقاد ناممکن ہو گیا، سٹی گورنمنٹ رولز تے حلقہ بندیاں وچ مسلسل تاخیر ہون لگی۔ خیبر پختونخوا حکومت دی عدم دلچسپی دی وجہ توں صوبے وچ بلدیاتی انتخابات دا انعقاد ویلے سر ہونا ممکن نہیں رہیا۔
نویں بلدیاتی انتخابات لئی ضم قبائلی ضلعیاں وچ حلقہ بندیاں سنے ایکٹ وچ ترامیم دی وجہ توں تاخیر ہو رہی اے۔ پچھلے بلدیاتی نظام دے خاتمے دے بعد الیکشن کمیشن 120دن وچ بلدیاتی انتخابات کران دے پابند نیں، بلدیاتی انتخابات وچ تاخیر تے شہریاں نے وی حکومت تے تنقید کیتا۔
خیبر پختونخوا دے وزیر بلدیات وی معاملے بارے شروع توں ای اک ای لفظ دہرائے جا رہے نیں، صوبائی وزیر ہمیشہ دی طرح ایس واری وی الیکشن لئی ڈیڈ لائن نہ دے سکے۔
وزیر بلدیات شہرام رکئی آکھیا ٹیکنیکل مسئلیاں دے حل دے بعد جلدی الیکشن کراں گے۔ الیکشن کمیشن ولوں خیبر پختونخوا حکومت نوں
بار بار ہدایت جاری کرن دے بعد وی حلقہ بندیاں دا تعین لئی رولز اجے تک نہیں بنائے جا سکے۔
