سپریم کورٹ: بار کونسل دی مخالفت تے احتجاج، فروغ نسیم دلائل نہ دے سکے
اسلام آباد: سابق وفاقی وزیر قنون بیرسٹر فروغ نسیم، آرمی چیف دی مدت ملازمت وچ توسیع دے خلاف درخواست دی سماعت دے موقع تے سپریم کورٹ وچ پیش ہوئے پر بار کونسل دی مخالفت تے احتجاج دی وجہ توں اوہ دلائل نہ دے سکے۔
چیف جسٹس آصف سعید کھوسہ دی سربراہی وچ تن رکنی بنچ نے آرمی چیف دی مدت ملازمت وچ توسیع دے خلاف ریاض حنیف راہی دی درخواست تے سماعت کیتی تے اٹارنی جنرل انور منصور خان دے نال سابق وفاقی وزیر فروغ نسیم وی عدالت وچ پیش ہوئے۔
اٹارنی جنرل دے طویل دلائل دے بعد فروغ نسیم نے روسٹرم تے آ کے گل کرنی چاہی تے پاکستان بار کونسل دے نمائندیاں نے مخالفت کیتی تے آکھیا فروغ نسیم دا وکالت دا لائسنس معطل اے، ایس لئی اوہ دلائل نہیں دے سکدے۔
ایہدے تے چیف جسٹس آکھیا اجے فروغ نسیم نوں سدیا ای نہیں، اوہناں دی واری بعد وچ آوے گی پر چیف جسٹس آکھیا فروغ نسیم اپنا مسئلہ حل کر لین، کدھرے کل تہاڈے مختار نامے تے پورا ویلا نہ لنگھ جاوے۔
ایس موقع تے فروغ نسیم دا کہنا سی ایہناں دا لائسنس بحال اے۔
