سکیورٹی معاملات وچ سیاست نہیںہونی چاہیدی ، کلبھوشن دی سزا معاف نہیں کیتی گئی ۔

اسلام آباد: فروغ نسیم نے آکھیا کہ حساس سکیورٹی معاملات وچ سیاست نہیں ہونی چاہیدی ، بھارتی جاسوس کلبھوشن یادیو نوں کوئی سزا معاف نہیں کیتی گئی ، پاکستان عالمی ذمہ داریاں پوری کرن لئی ہر ممکن کوشش کرے گا ۔وفاقی وزیر فروغ نسیم نے قومی اسمبلی اندر آکھیا کہ کلبھوشن یادیو بارے آرڈنینس لیانا کیوں ضروری سی ، کلبھوشن یادیو نوں 3مارچ2016ء نوں گررفتار کیتا گیا ،8مئی2017ء نوں بھارت نے عالمی عدالت انصا ف وچ اپنا کیس فائل کیتا ، آئی سی جے نے آکھیا کہ بھارتی جاسوس نوں قونصلر تک رسائی دینی اے ، عالمی عدالت انصاف دے فیصلے دے مطابق آرڈیننس جاری کیتاگیا ۔فروغ نسیم نے آکھیا کہ بھارتی جاسوس دی سزا معاف نہیں کیتی گئی۔ اسی آرڈیننس جاری کر کے بھارت دے ہتھ وڈ ھ دتے ، پاکستان اک ذمہ دار ریاست اے ، عالمی عدالت دا فیصلہ نہ مندے تے او سلامتی کونسل چلے جاہندے ، پیپلز پارٹی نے آکھیا کی بھارتی ایجنٹ نوں این آر او دتا جا رہیا اے ، بھارتی حاضر سروس دا معاملہ حساس اے ، کلبھوشن یادیو دی سزا ختم ہندی تے میں تہاڈے نال مل کے احتجاج کردا،۔