خیبر پختونخوا حکومت نے بی آر ٹی منصوبے دی نویں ڈیڈ لائن دے دتی

پشاور: بس ریپڈ ٹرانزٹ (بی آر ٹی) منصوبہ ہن 2020وچ پورا ہووے گا۔ اگلے ورھے لوک مستفید ہونا شروع ہو جان گے۔

تفصیلات دے مطابق خیبر پختونخوا حکومت اک واری فیر اپنے دعوے توں ہٹ گئی اے۔ \

ہن بی آر ٹی منصوبے لئی نویں ڈیڈ لائن ساہمنے آ گئی اے جہدے وچ آکھیا گیا اے ایہ منصوبہ ہن 2020وچ پورا ہووے گا۔

پشاور وچ پریس کانفرنس دے دوران شوکت یوسفزئی دا کہنا سی 2بلین روپے دا ریونیو اکٹھا کیتا اے۔ بی آر ٹی ون 56.8بلین نال شروع کیتا سی، 49اعشاریہ چار بلین روپے دی منظوری دتی گئی۔

بی آر ٹی دا پہلا پی سی ون 56.8دا سی۔ بی آر ٹی وچ اجے تک 85فیصد پیسے استعمال ہوئے نیں۔ شوکت یوسفزئی آکھیا منصوبے تے کم 87فیصد ہویا اے، ایہدی لمبائی 28کلومیٹر، فیڈر روٹس 68کلومیٹر جد کہ برج 13کلومیٹر اے۔

اگلے ورھے منصوبے توں لوک مستفید ہونا شروع ہو جان گے۔

اوہناں دا کہنا سی 30سٹیشن فائنل ہو رہے نیں جد کہ 10سٹیشناں وچ پوڑھیاں لائیاں جا چکیاں نیں۔ اوہناں آکھیا بی آر ٹی دے پیسے اسیں ڈالر وچ نہیں سگوں پاکستانی کرنسی وچ دینے نیں۔