ماڈل ایان علی دے نویے فوٹو شوٹ نے دھوم مچا دتی

لہور: فوٹو اینڈ ویڈیو شیئر نگ ایپ انسٹا گرام اُتے ایان علی نے اپنی چھوٹی جئی ویڈیو پوسٹ کیتی ، ماڈل ولوں پوسٹ کیتی جاون والی ویڈیو وچ اوہناں دا فوٹو شوٹ ہندا وکھایا گیا اے ، تےویڈیو ویکھ کے اندازہ لگایا جا سکدا اے کہ اوہناں دے کوئی نویں پروجیکٹ دا کوئی حصہ ا ے۔انسٹا گرام اُتے ویڈیو پوسٹ کردیاں ہوئیاں ماڈل ایان علی نے اپنے چاہون والیاں توں اوہناں دا حال چال پچھیا تے فیر دسیا کہ اے ویڈیو اوہناں دے نویے آون والے اک پروجیکٹ دی اے ۔گلوکارہ نے اپنی پوسٹ وچ ایہ وی آکھیا کہ میں گانا گاون لئی مسلسل5سال توں محنت کر رہی وان جس نوں اوہناں دے چاہون والے بوہت لطف اندوز ہوون گے ۔یادرکھنا کہ ایان علی 14مارچ 2015نوں اسلام اآباد ایئر پورٹ توں پنج کروڑ روپئے توں ودھ مالیت دے امریکی ڈالر دبئی سمگل کر دیاں ہوئیاں پھڑی گئی سی منی لانڈرنگ کیس وچ ضمانت لین لئی پاکستان دی ماڈل تے گلو کارہ ایان علی نے ایس توں پہلاں سماجی رابطے دی ویب سائٹ اُتے شوبز وچ واپسی دے حوالے نال اک ٹویٹ وچ آکھیا کہ میں اک توں بعد 7گانے ریلز کر رہی آں ۔