کوئی مائنس نئیں ہوئے گا، وزیر اعظم تے وزیر اعلیٰ پنجاب پنج سال پورے کرن گے : عثمان ڈار

ناروال: وزیر اعظم عمران خان دے معاون خصوصی عثمان ڈار نے آ کھیا کہ آٹا چینی والا مافیا اپنے انجام تک پہنچے گا ، وزیر اعظم عمران خان تے وزیر اعلیٰ پنجاب سردار عثمان بزدار پنج سال پورے کرن گے
ناروال وچ میڈیا نال گل بات کردیاںہوئیاں اوہناںنے آکھیا کہ پچھلے 3مہیناں توں احسن اقبال کہہ رہئے نیں کہ ٹائیگر فورس نظر نہیں آ رہی،اوہناں آکھیا کہ ٹائیگر فورس کیتھے آ،میں اُمید کرنا واں کہ ناروال
دے نوجواناں دی حوصلہ افزائی لئی احسن اقبال ضرور آون گے ، ٹائیگر فورس بلا معاوضہ عوام دی خدمت کر رہیی اے ۔معاون خصوصی نے ہور آکھیا کہ پاکستان مشکل حالت وچ وزیر اعظم عمران خان نوں ملیا ، کورونا کرائسس وچ وی مشکل فیصلے کیتے ۔ پاکستان دُنیا دی تریخ وچ سب توں زیادہ 1کروڑ خانداناں نوں احساس پروگرام وچ لوکاں نوں پیسے دتے گئے ۔عثمان ڈار نے اآکھیا کہ چینی ، آٹا بحران دے باعث عوام نوں مشکلات دا ساہنما کرنا پے رہیا اے ، آٹا مافیا ، چینی مافیا دی انکوائری ہو رہی اے ۔72سالہ تریخ وچ کسی وزیر اعظم نے انکوائری پبلک نہیں کیتی ، ایہ ہی مافیا مارکیٹ نوں نقصان پہنچا رہیا اے ۔ سب نوں انصاف ملے گا تے پاکستان وچ سب ادارے آزاد نیں