وزیر اعظم عمران خان داکورونا دی صورت حال اُتے اج قوم نوں اعتماد وچ لیون دا فیصلہ

اسلام آباد؛ وزیر اعظم عمرا ن خان نے کورونا دی صورتحال اُتے اج قوم نوں اعتماد وچ لیون دا فیصلہ کر لیا ، عمران خان کورونا بارے اجلاس توں بعد قوم نال خطاب کرن گے ، وزیر اعظم عمران خان دی سمارٹ لاک ڈائون پالیسی نوں عالمی دُنیا اُتے پذیرائی بارے گل کرن گے ۔اودھرعمران خان نے کورونا دی صورت حال اُتے اہم اجلاس اج طلب کر لیا ، صوبیاں وچ کورونا صورتحال تے حکومتی اقدامات بارے آگاہ کیتا جائے گا ۔ذرائع دے مطابق اجلاس وچ عید الاضحی لئی ایس او پیز اُتے عملی درآمد دی حکمت عملی طے کیتی جائے گی ، ہسپتالاں وچ مریضاں دی تعداد تے سہولیات توں آگاہ کیتا جائے گا ، اجلاس وچ این سی او سی دے اعداد وشمار اُتے بریفنگ ہوئے گی تعلیمی ادارے کھولن بارے این سی او دی تجویز اُتے سوچ وچار کیتی جائے گی ۔ذرائع دے مطابق اجلاس وچ وفاقی وزراء معاونین ، سول تے عسکری اداریاں دے اعلیٰ حکام شرکت کرن گے ، صوبائی وزرائے اعلیٰ ویڈیو لنک دے ذریعے اجلاس وچ شرکت کرن گے