کیپٹن محمد سرور دا 72واں یوم شہادت
اسلام آباد : کیپٹن سرور دا72واں یوم شہادت اج منایا جا رہیا اے ۔خطہ پھوٹو ہار دے عظیم سپوت ، کیپٹن محمد سرور دی شہادت نوں اج72سال ہو گئے لیکن اوہناں دی جرات تے بہادری دی لازوال داستان اج وی قوم دالہو گرم کر دی اے ۔27جولائی 1948وچ کشمیر دے اڑی سیکٹر وچ اک آپریشن دے دوران دشمن دی فائر نگ نے اوہناں دا جسم چھلنی کر دتا ، لیکن مادر وطن دا ایہ بہادر سپوت دشمن دے ساہمنے سیسہ پلائی دیوار بنیا رہیا تے جام شہادت نوش کیتا ۔1910وچ راولپنڈی دے گائوں سنگوڑی وچ آکھ کھولن والے کیپٹن محمد سرور 1929وچ فوج اندر بھرتی ہوئے ،27اپریل 1944نوں اوہناں نوں انڈین ملٹری اکیڈمی ڈیرہ دھرن توں کمیشن ملیا ، بہادری دی اعلیٰ ترین مثال اُتے اوہناں نوں نشان حیدر دتا گیا ۔
