وزیر اعظم دی قیادت وچ ہی ملک مضبوط تے خوشحال ہوئے گا : گورنر پنجاب

لہور: گورنر پنجا ب چوہدری سرور نے آکھیا کہ وزیر اعظم عمران خان دی قیادت وچ ہی ملک مضبوط تے خوشحال ہوئے گا ، حکومت دی تمام تر توجہ ملک نوں طویل مدتی استحکام دیون اُتے مرکوز اے ۔گورنر پنجاب نال تحریک انصاف دے رہنما شبیر سیال تے ہوراں نے ملاقات کیتی ، جس وچ ملکی صورت حال اُتے گل بات کیتی گئی ، ایس موقع تے گورنر پنجا ب چوہدری سرور نے آکھیا کہ ماضی دی ناکام معاشی پالیسی دے نتائج قوم نوں اج بھگتنا پہ رہیے نیں ، اوہناں نے آکھیا کہ مضبوطی لئی موجودہ حکومت عملی اقدامات کر رہیی اے ، ادارایاں وچ شفافیت تے استحکام اُتے کسی قسم دا اسمجھوتہ نہیں کیتا جائے گا ۔گورنر پنجا ب چوہدری سرور ہور آکھیا کہ حکومتی پالیسی دا محور غریب طبقے دی فلاح و بہبود اے ، تعمیرات دے شعبے وچ حکومت نے ملکی تریخ دا بہترین پیکج دتا اے ، اوہناں آکھیا کہ کورونا دی وبا دا پھیلائو گھٹ کرن لئی ایس اوپیز اُتے عمل کرنا بوہت ضروری اے ۔