وفاق نے پنجاب توں نوازشریف دے 6ارب دے منصوبیاں دا ریکارڈ منگ لیا

لہور: مسلم لیگ (ن) دیاں مشکلاں گھٹ نہ ہو سکیاں، سابق وزیراعظم نوازشریف دے اک ہور میگا پراجیکٹ دا آڈٹ شروع کردیاں وفاقی حکومت نے پنجاب حکومت توں ریکارڈ منگ لیا۔

وسیلیاں دے مطابق وفاقی حکومت نے پنجاب توں نوازشریف دے 6ارب 25کروڑ 91لکھ روپے دے منصوبیاں دا ریکارڈ طلب کیتا اے، وفاقی حکومت دی ہدایت تے لہور، فیصل آباد، سرگودھا تے ملتان ڈویژنل کمشنرز نوں مراسلے ارسال کیتے گئے جہدے وچ آکھیا گیا ڈویژنل کمشنرز سابق وزیراعظم نوازشریف ولوں 10اکتوبر 2016نوں شروع کیتے گئے منصوبے دی تفصیلات فراہم کرن۔

آڈیٹر جنرل آف پاکستان نے سابق وزیراعظم دے سسٹین ایبل گول اچیومنٹ گول وچ مبینہ کرپشن دی نشاندہی کیتی اے، حکومت نے 3کروڑ توں ودھ رقم دی 12سکیماں دی ساری مالی تفصیلات وی طلب کیتیاں نیں۔ ذرائع دے مطابق ٹوبہ ٹیک سنگھ، فیصل آباد، لہور، ملتان، خانیوال تے سرگودھا وچ گیس، بجلی تے میونسپل دیاں سکیماں وچ مبینہ کرپشن دی نشاندہی کیتی گئی اے۔