وفاق نے فضل الرحمان دے بھرا دی سندھ سرکار نوں دتی گئی خدمات واپس لے لئیاں

اسلام آباد : وفاق نے مولانا مولانا فضل الرحمان دے بھرا دی سندھ سرکار نوں دتی گئی خدمات واپس لے لئیاں۔ مولانا فضل الرحمان دے بھرا انجینئر ضیاء الرحمان دی تقرری دے معاملے دے بعد وفاق نے سندھ سرکار نوں دتی گئی خدمات واپس لے لئیاں۔ ایس بارے اسٹیبلشمنٹ ڈویژن نے باضابطہ نوٹیفکیشن وی جاری کر دتا اے۔ محکمہ اسٹیبلشمنٹ نے اسٹیبلشمنٹ ڈویژن نوں لکھے گئے خط وچ آکھیا کیڈر افسران دی کمی پاروں ضیاء الرحمان دی خدمات صوبے دے حوالے کیتی جان۔ ضیاء الرحمان دا تعلق صوبائی مینجمنٹ سروس خیبر پختونخوا توں اے۔ اوہناں دی خدمات سندھ سرکار دے حوالے کیتی گئیاں سن، اوہناں نوں تاحکم ثانی فرحان غنی دی تھاں ڈپٹی کمشنر ضلع وسطی تعینات کیتا گیا سی جد کہ فرحان غنی دا تبادلہ کرکے ایڈیشنل سیکرٹری لوکل گورنمنٹ مقرر کر دتا گیا سی۔