دیس وچ بہتر قنون سازی دے راہیں کرپشن دا خاتمہ چاہنے آں: شاہ محمود قریشی

اسلام آباد: وزیر خارجہ شاہ محمود قریشی دا کہنا اے دیس وچ بہتر قنون سازی دے راہیں کرپشن دی بیخ کنی چاہنے آں۔ وزیر خارجہ شاہ محمود قریشی آکھیا حکومتاں آندی جاندی رہندیاں نیں جد کہ قنون سازی اک مسلمہ عمل اے، بعض قوانین دے حوالے نال ساڈا اک موقف اے جد کہ اپوزیشن دا اک دوجا موقف اے، ساڈے تے اپوزیشن دے وچکار نکتہ نظر وچکار فرق نوں اکٹھیاں بہہ کے طے کرن تے بہتر قنون سازی لئی 24 رکنی پارلیمانی کمیٹی تشکیل پا چکی اے۔ شاہ محمود قریشی آکھیا پارلیمانی کمیٹی دا اک اجلاس ہو چکیا اے جد کہ دوجا وی عنقریب ہووے گا، اسیں ایف اے ٹی ایف، نیشنل سکیورٹی تے نیب توں متعلقہ مسودے اپنے اپوزیشن دے دوستاں نوں گھل دتے نیں، مینوں توقع اے اپوزیشن دے احباب فراخ دلی دے نال ایہناں مسودیاں نوں ویکھن گے تے فیر اسیں اکٹھیاں بہہ کے ایہدے تے گل بات کراں گے۔اسیں ایہ وی چاہنے آں کہ کرپشن دے ناں تے کسے دی عزت نہ اچھالی جائے، کرپشن قوانین دا مقصد کسے نوں نجائز تنگ کرنا نہیں اے۔