سعودی عرب حج دیاں تیاریاں تیزی نال جاری

مکہ مکرمہ : سعودی عرب وچ حج دیاں تیاریاں دا سلسلہ تیزی نال جاری مکہ وچ مسجد الحرام اندر اسپرے کیتا گیا ۔خانہ کعبہ دے چاروں پاسے صفائی کیتی گئی ، کورونا وائرس توں بچن لئی جگہ جگہ اسپرے کیتا گیا ، خدمت اُتے مامور افراد نے فرش تے قالینان نوں وی صاف کیتا ۔ایس سال بیماری دی وجہ نال بیرونی ملکاں نوں مسلمان حج لئی نہیں جا رہیے جد کہ سعودی عرب توں صر ف اک ہزار لوگ فریضہ حج ادا کرن گے
واضح رہے کہ ایس سال کورونا دی وجہ نال صرف سعودی عرب اندر رہن والے ہی حج ادا کرن گے ، جد کہ سعودی ہوچ رہن والے ہور ملکاں دے لوکاں نوں وی حج دا موقع دتا جائے گا ، ایس حوالے نال مقامی حکام ولوں اک بیان جاری ہوئیا کہ دُنیا دے180ملکاں وچ کونا وائرس دی وجہ نال صرف سعودی عرب وچ رہن والے لوکاں نوں ہی حج دا موقع دتا جائے گا ۔ایس ٹائم سعودی عرب وچ 2لکھ 66ہزار تو ں ودھ مریض ساہمنے آ چکے نیں ، جد کہ2ہزار733مریض اللہ نوں پیارے ہو چکے نیں ۔