کورونا دا زور ٹُٹ گیا، کیسز تے موتاں وچ کمی، 24 گھنٹے وچ 23بندے جاں بحق

اسلام آباد: کورونا دا زور ٹُٹ گیا، کیسز تے موتاں وچ مسلسل کمی ہون لگی، مہلک وائرس نے 23بندیاں دی جان لے لئی جہدے بعد موتاں دی تعداد 5ہزار 865ہو گئی۔ پاکستان وچ کورونا دے تصدیق شدہ کیساں دی تعداد2لکھ 75ہزار 225ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران 936 نویںکیسز رپورٹ ہوئے، پنجاب وچ 92 ہزار 279، سندھ وچ اک لکھ 18 ہزار 824، خیبر پختونخوا وچ 33 ہزار 510، بلوچستان وچ 11 ہزار 624، گلگت بلتستان وچ 2 ہزار 10، اسلام آباد وچ 14 ہزار 938 جد کہ آزاد کشمیر وچ 2 ہزار 40 کیسز رپورٹ ہوئے۔ملک بھر وچ ہن تک 19 لکھ 9 ہزار 846 بندیاں دے ٹیسٹ کیتے گئے، پچھلے 24 گھنٹیاں دے دوران 19 ہزار 610 نویں ٹیسٹ کیتے گئے، ہن تک 2 لکھ 42 ہزار 436 مریض صحت یاب ہوچکے نیں جد کہ اک ہزار 217 مریضاں دی حالت تشویشناک اے۔پاکستان وچ کورونا نال اک دن وچ 23 بندے جاں بحق ہوگئے جہدے بعد وائرس نال مرن والیاں دی تعداد 5 ہزار 865 ہوگئی۔ پنجاب وچ 2 ہزار 125، سندھ وچ 2 ہزار 162، خیبر پختونخوا وچ اک ہزار 180، اسلام آباد وچ 165، بلوچستان وچ 136، گلگت بلتستان وچ 48 تے آزاد کشمیر وچ 49 مریض جان توں ہتھ دھو بیٹھے۔