کورونا دا زور ٹُٹ گیا ، موتاں گھٹ گئیاں

اسلام آباد: کورونا دا زور ٹُٹ گیا ، موتاں گھٹ گیاں ، مہلک وائرس نے27مریضاں دی جان وی لے لئی ، جس توں بعد موتاں دی تعداد5ہزار892ہو گئی ، پاکستان وچ کورونا دے تصدیق شدہ مریضاں دی تعداد2لکھ 76ہزار 288ہو گئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق 24گھنٹے دے دوران1ہزار63نویںمریض ساہمنے آئے ، پنجاب وچ92ہزار452،سندھ وچ1لکھ 19ہزار 398،خیبر پختونخواوچ33ہزار724، بلو چستان وچ11ہزار654، گلگت ، بلتستان وچ2ہزار42، اسلا م آباد وچ14ہزار963جد کہ آزادکشمیر وچ2ہزار55مریض ساہمنے آ ئے ۔
ملک وچ ہن تک 19لکھ31ہزار 102لوکاں دے ٹیسٹ کیتے گئے نیں ، پچھلے 24گھنٹے دے دوران21ہزار256نویں ٹیسٹ کیتے گئے ، ہن تک 2لکھ 44ہزار883مریض صحتیاب ہو چکے نیں ۔ جد کہ1ہزار 179مریضاں دی حالت تشویش ناک اے ۔پاکستان وچ کورونا پاروں اک دن وچ27افراد جان توں ہتھ دھو بیٹھے ، جس توں بعد مرن والیاں دی تعداد 5ہزار892ہو گئی ، پنجاب وچ2ہزار133,سند ھ وچ2ہزار 172، خیبر پختونخواہ وچ 1ہزار 186,اسلام آباد وچ165، بلو چستان وچ136،گلگت بلتستان وچ50تے آزاد کشمیر وچ50مریض جان توں ہتھ دھو بیٹھے ۔