شہباز شریف دے استعفیٰ مگروں رانا تنویر نوں چیئرمین پبلک اکاؤنٹس کمیٹی بنا دتا گیا

اسلام آباد: مسلم لیگ (ن)دے رہنما رانا تنویر حسین پبلک اکاؤنٹس کمیٹی دے متفقہ چیئرمین منتخب ہو گئے۔ دسمبر دے پہلے ہفتے وچ اجلاس بلان دا فیصلہ کر لیا۔

پارلیمنٹ ہاؤس اسلام آباد وچ پبلک اکاؤنٹس کمیٹی دا اجلاس ہویا جہدے وچ نویں چیئرمین دا انتخاب عمل وچ آیا۔ کمیٹی نے مسلم لیگ (ن) دے رانا تنویر نوں متفقہ طور تے چیئرمین منتخب کر لیا۔ رانا تنویر دا ناں سردار نصر اللہ دریشک نے تجویز کیتا جد کہ مشاہد حسین نے ایہدی توثیق کیتی۔

چیئرمین منتخب ہون دے بعد رانا تنویر حسین نے سب نوں نال لے کے چلن دے عزم دا اظہار کردیاں آکھیا پی اے سی نوں فعال بنایا جاوے گا، ماضی وچ جہڑیاں کمیٹیاں بنیاں 7ورھے توں ایہناں دیاں رپورٹاں ای

نہیں آئیاں، اراکین دی مشاورت نال شیڈول بنا کے چلاں گے تے آڈٹ اعتراضات ویلے سر نبیڑاں گے۔