وزیراعظم نال وزیراعلیٰ پنجاب دی ملاقات، انتظامی تبدیلیاں تے اعتماد وچ لیا

اسلام آباد: وزیراعظم نال وزیراعلیٰ پنجاب نے ملاقات کیتی، عثمان بزدار نے انتظامی تبدیلیاں تے عمران خان نوں اعتماد وچ لیا۔

اودھر وزیراعظم عمران خان دی زیر صدارت اجلاس ہویا جہدے وچ وزیراعلیٰ پنجاب عثمان بزدار، وفاقی وزیر خسرو بختیار، مشیر تجارت، معاون خصوصی اطلاعات فردوس عاشق اعوان، ندیم افضل گوندل، پنجاب تے خیبرپختونخوا دے صوبائی وزیراں نے رلت کیتی۔

ایس موقع تے وزیراعظم عمران خان دا کہنا سی زرعی شعبے دا فروغ خصوصاً نکے کساناں نوں ریلیف فراہم کرنا اولین ترجیح اے، زرعی تے صنعتی شعبے دی یکساں ترقی نوں یقینی بنایا جاوے گا، گنے دی سرکاری قیمت دے تعین وچ کساناں دی حوصلہ افزائی ہونی چاہیدی اے۔