احتساب عدالت نے حمزہ شہباز دے جوڈیشل ریمانڈ وچ 14دن دا وادھا کر دتا

لہور: احتساب عدالت نے حمزہ شہباز دے جوڈیشل ریمانڈ وچ 14دن دا وادھا کر دتا۔ شہباز شریف نے اپنے خلاف نیب کیساں وچ حاضری توں چھوٹ دی عرضی جمع کروا دتی۔ جیل حکام نے جوڈیشل ریمانڈ ختم ہون تے حمزہ شہباز نوں احتساب عدالت وچ پیش کیتا۔

عدالت نے نیب پراسیکیوٹر نوں منی لانڈرنگ کیس دا ریفرنس جلد دائر کرن دی ہدایت کر دتی۔ شہباز شریف دے وکیلاں نے آشیانہ اقبال تے رمضان شوگر ملز وچ ایہناں دی مستقل حاضری معافی دی درخواست دے دتی۔

درخواست وچ موقف اختیار کیتا گیا کہ شہباز شریف اپنے تے بھرا دے علاج لئی بیرون ملک ہون دی وجہ توں پیش نہیں ہو سکدے، عدالت نے درخواست تے نیب نوں نوٹس جاری کردیاں جواب طلب کر لیا۔