لیگی رہنما طلال چودھری دی نااہلی دے خلاف نظرثانی درخواست رد

اسلام آباد: سپریم کورٹ آف پاکستان نے لیگی رہنما طلال چودھری دی نااہلی دے خلاف نظرثانی درخواست رد کر دتی اے۔

مسلم لیگ (ن) دے رہنما طلال چودھری نے اپنی نااہلی دے فیصلے دے خلاف نظرثانی دی اپیل دائر کر رکھی سی۔

سپریم کورٹ دے جسٹس مشیر عالم دی سربراہی وچ پنج رکنی بنچ نے درخواست تے سماعت کیتی۔ طلال چودھری دے وکیل نے نااہلی ختم کرن دی استدعا کیتی تے اپنے موقف دے حق وچ دلائل دتے پر عدالت نے دلائل مکمل ہون تے فیصلہ سناندیاں درخواست رد کر دتی۔

نظرثانی دی درخواست وچ استدعا کیتی گئی سی کہ فیصلے دے خلاف انٹرا کورٹ اپیل سماعت لئی مقرر کیتی جاوے۔

واضح رہوے سپریم کورٹ نے 2018ء وچ طلال چودھری نوں آرٹیکل (1)63جی دے تحت توہین عدالت دا مرتکب قرار دیندیاں عدالت برخاستگی تک قید تے اک لکھ روپے جرمانے دی سزا سنائی سی۔

ایہناں نوں پنج ورھے لئی نااہل قرار دتا گیا سی۔