پنجاب حکومت دا 9تے10محرم نوں موبائل فون سروس بند رکھن دا فیصلہ
لہور( بھلیکھا ٹی وی ) پنجاب حکومت نے 9تے10محرم نوں موبائل فون سروس بند رکھن دا فیصلہ کر لیا ، محکمہ داخلہ پنجاب دا کہنا اے کہ جلوس دے سارے رستیاں اُتے موبائل فون سروس بند رکھی جائے گی
وزیر اعلیٰ پنجاب عثمان بزدار دی ہدایت اُتے محرم الحرام دے دوران امن و امان نوں برقرار رکھن لئی فول پروف سیکورٹی پلان مرتب کیتا گیا اے ، لہور ڈویژن دے سارے ضلعیاں وچ حساس مقاماں نوں فول پروف سکیورٹی انتظامات یقینی بنائے جاون گے ، وزیر قانون راجہ بشارت نے آکھیا کہ صحابہ کرام تے اہل بیت دی حرمت سب مکاتب فکر دی اولین ذمہ داری ہے ، مذہنی رواداری نوں برقرار رکھن تے شر پسند عناصر ممکن اقدامات کیتے جاون گے ، راجہ بشارت نے آکھیا کہ ملک نازک دور توں گزر رہیا اے۔کسی نوں وی انارکی پھیلاون دی اجازت نہیں دتی جائے گی ۔
