شادی ہالز تے ہوٹل کھولن دی اجازت دے حوالے نال صوبیاں نال مشورے جاری نیں

اسلام آباد ( بھلیکھا ٹی وی ) وفاقی وزیرحماد اظہر نے آکھیا کہ سیر گاہواں ، شادی ہالز ، پارک تے ہوٹل کھولن دی اجازت دے حوالے نال صوبیاں نال مشورے جاری نیں ۔وفاقی وزیر حماد اظہر نے آکھیا کہ وفاقی حکومت دی کورونا بارے آئندہ اقدامات لئی صوبیاں نال مشورے جاری نیں ، دُجے شعبیاں نوں ایس او پیز دے تحت کھولن لئی این سی او دی سطح اُتے صوبیاں نال مشاورت جاری اے ، مارکیٹاں دے اوقات اُتے وی نظر ثانی لئی جائزہ لیتا جا رہیا اے ۔حماد اظہر نے آکھیا کہ اسی ایس ضمن وچ تجویز لئی اے صوبیاں نوں آکھیا گیا اے ایس ضمن اچ ایس او پیز فائنل کرن ، اے سب تجویزاں وزیر اعظم دی زیرصدارت این او سی دے آئندہ اجلاس وچ پیش کیتی جاوے گی ۔ایس ضمن وچ آئندہ چند دن وچ وزیراعظم دی زیر صدارت اجلاس ہوئے گا ، جس وچ حتمیٰ فیصلے کیتے جاون گے ۔