وزیر اعلیٰ پنجاب دا ذخیرہ اندوزاں دے خلاف کارروائی دا حکم

لہور( بھلیکھا ٹی وی ) وزیر اعلی پنجاب نے ذخیرہ اندوزاں دے خلاف کارروائی دا حکم دے دتا ، عثمان بزدار نے ضلعی سطح اتے پرائس کنٹرول کمیٹیاں نوں فعال بناون دی ہدایت کر دتی ۔سردار عثمان بزدار نے آکھیا کہ عوام نوں ذخیرہ اندوزاں دے حوالے نہیں کیتا جا سکدا ۔ عوام نوں مصنوعی مہنگائی کرن والیاں دے رحم و کرم اتے نہیں چھڈیا جا سکدا۔ صوبہ بھر وچ مہنگائی ، ناجائز منافع خوری تے ذخیرہ اندوزان دے خلاف خود کارروائی کراں گا ۔وزیراعلی پنجاب نے آکھیا کہ ذخیرہ اندوزی کرن والے قانون دے نہیں بلکہ پورے سماج دے دشمن نیں ،سر پرائز چیکنگ کر کے شیواں دے ریٹاں دا خود جائزہ لواں گا ، تے کسی قسم دی کوتاہی برداشت نہیں کراں گا ۔دجے پاسے وزیر اعلی عثمان بزدار نے صوبائی پرائس کنٹرول ٹاسک فورس دا اجلاس وی طلب کر لیا اے جس وچ عوام نوں ریلیف دیون دے اقدامات دا تفصیلی جائزہ لیتا جائے گا۔