دُنیا دا مقابلہ کرن لئی مصنوعی ذہانت نوں فروغ دین دی ضرورت اے:صدر ِ پاکستان

اسلام آباد ( بھلیکھا ٹی وی ) صدر پاکستان ڈاکٹر عارف علوی نے دُنیا دا مقابلہ کرن لئی مصنوعی ذہانت تے انفارمیشن ٹیکنالوجی نوں فروغ دین دی ضرورت اُتے زور دتا اے ۔اج اسلام آباد وچ اک تقریب نال خطاب کر دیاں ہوئیاں اوہناں نے آکھیا کہ نظم و نسق تے سائنس دے درمیان تعاون نال ملک ترقی کر سکدا اے ، انٹر نیٹ ، آن لائن دی سہولت تے مصنوعی ذہانت دے ذریعے چوتھے صنعتی انقلاب نے طرز زندگی ہی تبدیل کر دتا اے ، کیونکہ ایس ٹیکنالوجی نے نا صرف روابط بلکہ پیدواری عمل نوں وی فروغ دتا اے ۔ اوہناں نے وزارت سائنس تے ٹیکنالوجی اُتے زور دتا کہ اوہ زرعی شعبے وچ پیدوار ودھاون لئی ڈرون تے ربوٹ سمیت جدید ٹیکنالوجی نوں بروئے کار لیاون لئی کم کرے ، اوہناں نے آکھیا کہ ساہنوں اپنے انسانی سرمائے نوں ترقی دینی چاہیدی اے جو جدید ٹیکنالوجی دی مصنوعات تیار کر سکدا اے ۔