آئین تے قنون تے مکمل عملدرآمد پاکستان دے روشن مستقبل دا راستہ اے: بلاول بھٹو
لاڑکانہ: چیئرمین پیپلزپارٹی بلاول بھٹو زرداری آکھیا اے پاکستان دے روشن مستقبل ول فقط اک ای راستہ جاندا اے، جہدا ناں آئین تے قنون تے مکمل عملدرآمد اے۔
بلاول نے ہائی کورٹ بار ایسوسی ایشن لاڑکانہ دے نومنتخب عہدیداراں نوں مبارکباد دیندیاں آکھیا جمہوریت ساڈے وفاق دی ضمانت جد کہ انسانی حقوق دی پاسداری تے آزادی اظہار جمہوریت دی روح نیں۔
بلاول نے آکھیا لاڑکانہ دے وکلاء نے ملک وچ آئین و قنون دی بالادستی تے جمہوریت لئی ہمیشہ شاندار کردار نبھایا اے۔
مینوں یقین اے نومنتخب عہدیداران وکلاء برادری دے درخشاں ماضی دے امین تے ملک دے روشن مستقبل دے رکھوالے ثابت ہون گے۔
