کراچی : کشمیریاں نال یکجہتی لئی تحریک انصاف دا ٹرین مارچ

کراچی ( بھلیکھا ٹی وی ) کشمیریاں نال یکجہتی لئی تحریک انصاف ولوں ٹرین مارچ کیتا گیا ، پی ٹی آئی دا ٹرین مارچ سکھر ریلوے اسٹیشن جا کے ختم ہوئیا۔ایس موقع اُتے پاکستان تحریک انصاف دی رہنما فردوس شمیم نقوی نے میڈیا نال گل بات کردیاں آکھیا کہ اسی مودی دا بد ترین چہرہ دُنیا دے ساہمنے نے نقاب کراں گے ، کشمیریاں نا ل اظہار یکجہتی لئی اسی کشمیریاں دے نال کھڑے آں ، کشمیر نال یکجہتی لئی سکھر تک ٹرین مارچ کراں گے ۔ حلیم عادل شیخ نے آکھیا کہ اک سال توں کشمیریاں نوں گھراں اندر قید کر کے رکھیا ہوئیا اے ، وزیر اعظم آزاد کشمیر نے جو سیاسی نقشہ جاری کیتا او ہی اصل نقشہ بنے گا ، کراچی توں سکھر تک علامتی طور اُتے سر نگر ایکسپریس ہے۔