کشمیریاں نوں دسنا چاہندا واں کہ اسی تہاڈے نال واں : وزیر خارجہ شاہ محمود قریشی

اسلام آباد ( بھلیکھا ٹی وی ) وزیر خارجہ شاہ محمود قریشی نے آکھیا کہ میں کشمیریاں نوں دسنا چاہندا واں کہ اسی تہاڈے نال واں ۔ ہر پاکستانی تہاڈے نال کھڑا اے سانوں تہاڈی تکلیف دا احساس اے ۔
یوم استحصال دے حوالے نال وزیر خارجہ شاہ محمود قریشی نے خصوصی پیغام دتا کہ کشمیروچ جاری انسانیت سوز مظالم توں دُنیا بے خبر نہیں ، نہتے کشمیری فوجی محاصرے وچ دوہرا لاک ڈاون برداشت کر رہیے نیں ۔
پوری دُنیا وچ بھارت دا اصلی چہرہ بے نقاب ہو چکیا اے۔ وزیر اعظم بطور سفیر کشمیریاں دا مقدمہ لڑ رہے نیں ۔ وزیر خارجہ شاہ محمود قریشی نے ہو ر آکھیا کہ میں بطور وزیر خارجہ تہاڈی ترجمانی کرنا میرے اُتے فرض اے ،کشمیریاں دی آواز ہر ملک دے دارالخلافے تک لے کہ جاواں گا ، 4مہینے دے لاک ڈائون نال دُنیا دی وی چیخ نکل گئی اے ۔