سادہ اکثریت دے نال قنون پاس ہو جاوے گا، کوئی ایشو نہیں اے: اٹارنی جنرل
لہور: اٹارنی جنرل آف پاکستان انور منصور خان آکھیا اے چھ مہینے دی توسیع دین دا مقصد عدالت نے راستے بند نہیں کیتے۔
اک توں ڈیڑھ مہینے دے دوران قنون سازی ہو جاوے گی۔
میڈیا نال گل کردیاں انور منصور آکھیا پچھلے ستر ورھیاں توں ایہو آرڈر پاس ہو رہے سن، اوہی اسیں کیتا۔ سرکار نے اپنے ولوں کوئی نویں چیز شامل نہیں کیتی سی۔
اک سوال دا جواب دیندیاں اٹارنی جنرل دا کہنا سی عدالت نے فیصلہ دتا ایہدے تے عملدرآمد کراں گے۔
سادہ اکثریت دے نال قنون پاس ہو جاوے گا، کوئی ایشو نہیں اے۔
اوہناں دا کہنا سی پاکستان آرمی اک سکیورٹی دا ادارہ اے۔
عالمی سطح تے وی ساڈے سکیورٹی ادارے دی اک پہچان اے۔
