ثابت ہو گیا عمران خان نالائق سن، نیںتے نالائق ای رہن گے: مریم اورنگزیب

لہور: پاکستان مسلم لیگ (ن) دی ترجمان مریم اورنگزیب دا کہنا اے اج دے دیہاڑ ثابت ہو گیا عمران خان نالائق سن، نالائق نیں تے نالائق ای رہن گے۔

آرمی چیف مدت ملازمت بارے سپریم کورٹ دے فیصلے دے بعد وزیراعظم دے بیان تے اپنے ردعمل وچ مریم اورنگزیب دا کہنا سی اج دے دیہاڑ ثابت ہو گیا عمران خان نالائق سن، نالائق نیں تے نالائق ای رہن گے، ایہناں دی نالائقی دی سپریم کورٹ نے وی بار بار نشاندہی کیتی پر اوہ ہمیشہ وانگوں اپنی نالائقی تے نااہلی دا بھار دوجیاں تے پان دی نکام کوشش کر رہے نیں۔

مریم اورنگزیب دا کہنا سی عمران خان نے جہناں تے ملک نوں لٹن دا الزام لایا، اوہ اوہناں تے اک دھیلے دی کرپشن ثابت نہ کر سکے، پر قوم دے ساہم نے ہر روز، ہرمنٹ تے ہر سیکنڈ تہاڈی اپنی نالائقی، جھوٹ تے نااہلی ثابت کر رہے نیں، ایہناں ورگا تریخی نالائق تے نااہل دے ہوندیاں ہوئیاں کسے ہور دشمن دی لوڑ نہیں۔