پاکستان ریلویز وچ پہلی وار خاتون سٹیشن منیجر مقرر
ریلوے حکام نے اسسٹنٹ ٹرانسپورٹ افسر لہور سیدہ مر ضیاۃ الزہرہ نوں لہور ریلوے سٹیشن دے سٹیشن منیجر دا اضافی چارج دے دتا جہدے بعد اوہ پاکستان ریلویز دی پہلی خاتون سٹیشن منیجر بن گئیاں نیں۔ رپورٹ دے مطابق ریلوے حکام نے اے ٹی او لہور سیدہ مرضیاۃ الزہرہ نوں لہور ریلوے سٹیشن دی سٹیشن منیجر دی آسامی تے تعینات کیتا اے تے سٹیشن ماسٹر لہور کینٹ یونس بھٹی توں سٹیشن منیجر لہور دا اضافی چارج واپس لے لیا اے۔ ریلوے ذرائع نے دسیا کہ سیدہ مرضیاۃ الزہرہ پاکستان ریلویز دی پہلی خاتون سٹیشن منیجر بن گئیاں نیں، دوجے پاسے ریلوے سمپارس یونین نے سٹیشن منیجر دی آسامی تے سی ایس پی افسر دی تعیناتی دے خلاف احتجاج دی کال دتی اے۔ یونین دے مرکزی چیئرمین عرفان نے ایس تعیناتی تے تحفظات دا اظہار کردیاں آکھیا اے نوٹیفکیشن منسوخ نہ ہویا تے اوہ احتجاج کرن گے۔
