کشمیر وچ سپیشل فورسز دے اہلکاربچیاںنوں اغوا کر رہے نیں: فخر امام

اسلام آباد: فخر امام نے آکھیا اے کشمیر وچ سپیشل فورسز دے اہلکار بچیاں نوں اغوا کررہے نیں، لاپتہ بالاں بارے کسے نوں علم نہیں کہ ایہ کتھے گئے۔چیئرمین کشمیر کمیٹی فخر امام دا کہنا اے مودی نے آسام دے 19لکھ شہریاں نوں شہریت توں محروم کیتا، مودی سرکار نے جنت نظیر وادی نوں جہنم بنا دتا، بھارتی فوجیاں نے کشمیری بچیاں دی عصمت دری نوں ہتھیار بنا لیا، بھارت نے مقبوضہ کشمیر وچ سپیشل سروسز گروپ گھل دتے۔

فخر امام دا کہنا سی پہلے توں موجود 9لکھ بھارتی فوجیاں دے مظالم ڈھکے چھپے نہیں، انڈین سپیشل سروسز گروپ نے کشمیر وچ بربریت دا بازار گرم کر دتا، بھارتی فوج کشمیری بالاں نوں چک رہی اے، عالمی برادری کشمیر وچ انسانی حقوق دی خلاف ورزیاں رکوائے۔